•  منذ 6 شهر
  •  0
  •  0

كاتب(ة) : سامح فكري

رجوع الحبيب

قوللي علي ميعاد حبيبي هترجع فيه امتي أكيد
و لا هتفضل هناك متغرب في بلاد الفرقة و تعيش بعيد
تعال ننسي سوا الماضي اللي يوجع و نبدأ من جديد
ليه حبب تهرب من حبك و بقلبك و تعيشه وحيد

ما خدكش الحنين و لا شوقك ترجع لحضني يا غريب
و لا الذكريات و لا حكاية حكيتها و أنت مني قريب
هو العمر فيه كام يوم تانيين تدور تاني علي حبيب
و أنا بقالي سنين علي شوق مستنيك و حبي ليك نصيب

و قلت بكره يرجع و بعادك في قلبي كتير قاسي
و اصبر و أقول يا تري لسه فاكر حبنا و لا صبح ناسي
و علي ذكري حبنا عايش و لا يوم ملك قلبي يأسي
و عند احساس راجع بس خايف يوم يخونني إحساسي

لو العيون تقدر في بعادك تنام القلب و الروح سهرانة ما تنام
و ينام خالي البال و القلب حبك واخده و ماشي مع الأيام
و الروح تعبت و حمل الفراق تقيل زود جوايا الآلام
و الوجيعة بتنهش جوايا و مرها ما يوصفوش أي كلام

كفاية بعاد نفسي اللقاء يكون في الحياه مش في الممات
دا الموت مالهوش ميعاد هيجي فجاة في لحظة من اللحظات
دي حقيقة واضحة و اللي جاي مش هيكون قد اللي فات
بجد واحشني تعال قوللي كلمة حتي لو عتاب بأقسي الكلمات

دا الابن الضال بعد الفراق و قسوة القلب لأبوه عاد
و لقي ترحيب بالحب و أنا في الانتظار من ساعة البعاد
مش هتحتاج تخبط علي باب قلبي هتلقيه مستني في الميعاد
و تعال قبل العمر ما يفوت يوم وراه يوم و نقول يا ريت اللي فات عاد

الحب و الفراق عدوان يتقابل ظلهما في طريق الشوق و الهجران
لكل منهما أوطان وطن مليان بالفرح و أوطان كسوتها الأحزان
تعال نبني من تاني وطن حبنا و نحسب من غدر الزمان
ارجع حبيبي انا هنا مستني تعال قبل فوات الأوان

حبيبي ارجع أنا مستنيك في الميعاد في نفس المكان
لسه حبيبي فاكر مكان اللقاء و لا في بقي في النسيان
ارجوك حبيبي ارجع انا مستنيك في الميعاد

قم بتسجيل الدخول لكي تتمكن من رؤية المصادر
هذا المقال لا يعّبر بالضرورة عن رأي شبكة لاناس.